NA KHEMPEUH A OM MA IN A OM KHIN A OM HIAM?

                          A THUPI KI TANGSAM DOT NATE

                     John Blanchard  

                                        ULTIMATE QUESTIONS No.1

www.stevensuum photography.com

Nuntakna pen dotna tampi taktawh aki dim khat ahi hi. Pawl khat pen aki dongh mun zel dotna hi in, pawl khat ahileh aki tangsam phamahmah ahih ban ah a thupi khia mahmah dotna te ahi hi.

Hih lai na sim laitak mahmah in zong  hih pen na cidam na a ding leh na sum pawl na ding, na nasep na ding leh na innkuan mailam a dingin dotna tampi hong om pah ding ahi hi.

A thupi  penpen leh aki sam pen dotna in Pasian a om ahihzia leh nang leh Pasian na ki zopzia ahi hi. na khat beek tuazah in a thupi zaw om lo hi. Cidam ding, sum bawlna ah a phung ngah ding, innkuan mailam ading lungmuanna  ngah ding cih pen mi khempeuh in aki tangsap gige den ahi hi. Hih atunga thuthum a thupi aki tangsam mahmah ahih teisam hangin Pasian tawh ahing a(nungta , silo, ki tatlo , kizom, selto, )  kilawmta (kizawl,ki meltheih ) hihna sangin tuate thupi zaw lo uh  hi. Hih Pasian tawh ahing ki lawmtatna pen a thupi penpen leitung beimang tengin aki sam den ding ahi hi.

Hih Pasian tawh ki lawmtatna pen a thupi aki tangsam pen  a hihna  leh koi ci bang dan in ki tangsam ding ahiam cih anuai a bang in en ni.

Hih tenga dot nate pen mite in a dot mun mahmah dot nate te sangin thupi zaw tham ding hi. Tua mah bangin a dawn nate  zong mi khempeuh theihnop akisap uh  dawn nate hong hi ding hi.  hih lai pen khat vei sangin atam zaw na sim in. Dongh in aki ngah zo lo dawn nate leh thumuh  nate na ngah ding hi.

               NA KHEMPEUH A OM MA  IN A OM KHIN A OM  HIAM ?

 Hih dotna pen  a thupi ki dot huai mahmah thu khat ahi hi. Pasian  a om lo hileh amah zongte a dingin aki sam lopi nakhat tungah hun mawk beisak maimai suak lel ding ahi hi. Ahang pen Pasian a zongte in Pasian om takpi hi ci in  a up ding kisam hi.(hebru11:6)  Pasian pen a om takpi a hihna atun atang in mitmuh in lahkhiat lianding a om loh hangin a om takpi Pasian ahihna kician tak leh mantak in om hi.

Van leh lei hong piankhiatna zia ngaihsun dih in, amah leh ama thu in hong piang khia tawmvat hi ding hi ci in na up leh dawnna a omlo dotna lianpi  na nei ding hi. Leitung hong pian khiatna dingin aki sam vante koi pan hong pai  hiam? Hih pen tuni dongin leitung mipil leh a siam pen te in zong a thei zo kei uh hi. Pilna leh siamna tampi tak khangto hitamahleh aktui om masa zaw ahia  akpi om masa zaw cih pen kuamah in khenkhia thei tuan lo uh hi. Tua ahih leh akoi ci bang dan in nate hong ki pan khia hiam?. Leitung a ki bawlkhiat zia pen a naklamdan mahmah khat ahi hi.

Bang bang teng dawnna leh upna ,muhna , tuamtuam a om sam hangin tuate   khat khit khat teng khia in hileng  a lungkim huai pen pen dawnna in a ki pat cil in Pasian in Vantung le Leitung a piang sak hi. cih ahi hi. (pian1:1) Leitung pen tha khat thu in   hong khangkhia tawm  cih hi lo hi. Tu laitak a ihmuh  theih nate pen a om khinsa na  khat pan in ahong piang tawm cih bang hi lo hi. Leitung le Vantung pen  Pasian in  akam pan piang hen a cihna tawh apiang hi cih pen upna tawh ih thei hi. (hebru11:3) Piansak nasep pen Pasian kiang pan hong ki pan ahi hi. Ahang in Tawntung Pasian in akam tawh piang hen acih leh acih bangin piang hi.(late33:9) Hih Pasian piansak nate pen amau munsan ciat ah nasem in alamdang mahmah van leh lei aki lamzia aki ngaakzia aki zopzia leh  aki peizia te hici zaw deuh leh cih nading peuhmah om lo in a nasep zia uh ki tuak dimdiam hi . Ni a tum leh kha tang , khua avak leh kha mial cih bangin om dimdiam mawk uh hi. Piangsakpa  leh piansak nate  thu apia pen Pa Pasian bek ahi hi. Hih Leitung mahmah aki pan a sunga om nate khempeuh pen a piangsakpa in tua a piansak  Vantung le leitung’ na khempeuh a ukpa amah ahi hi.(sawl 17:24)

Hih nate  khempeuh piansak a hihna aki langhsak pen pen in  mihing te ihi hi. Mihing te pen nuntakna  a nei ganhing te bang hilo in, ei mihing te in amah leh amau in ngaihsun in muhkhiat theihna cimna nei in, aman leh amanlo ih khenkhia theih hi. It theihna leh thu khual theihna zong ih nei hi. Huu asang nuntakna anei khempeuh te sangin ih picin zawkna in Pa Pasian um in ih biak theihna ahi hi. Hih bang in mihing ngaihsut ziate  koi teng pan hong pai hi ding hiam?.

Pengpelek bangin pumpi nam khat pan khat ah ki khel toto in tua pan tha khat thu in ki khel na tawh a piang mihing te cih bang ih kei hi . ki teltak leh ki langhtang takin dawnna khat in, Tua ciangin Tawntung Pa pasian in leivui la in mihing bawl a, anak sungah  nuntakna huu muamsuk  in mihing pen huu asang  nuntaknanei  ahong suak hi. (pian 2:7) Mihing pen amah leh amah tha khat thu in a om tawmvat cih bang hi peuhmah lo in alamdangtak in Piangsakpa Pasian in a piansakna tawh a om a piang mihingte ihi hi. Na khempeuh om ma in Pasian na om khin hi . Tua Pasian in na khempeuh a kam tawh piang hen om hen a cih te a piang ahi hi.

• Pumpi dang khat pan adang khat ah ki khel to cih upna (evolution) pen a buaihuai mahmah buaihna khat ahi hi.  Nang a dingin buaihuai takpi mah hi na cih leh Prof. E H Andrews in a gelh From Nothing to Nature laibu na sim dih ve!

>>> zop lai ding  No.2