PASIAN IN KAMPAU TAWH HONG HOPIH MAH AHIAM

 

                                         A KI SAM   A THUPI  DOT NATE                                                       No.2

                                                              ULTIMATE  QUESTIONS

                         PASIAN KAMPAU IN  HONG HOPI MAH  A HIAM

  

Hih dotna pen a thupi mahmah dotna khat ahi hi. Mihing te in ei hanciam na tawh Pasian pian zia aki thei zo ngei ding hi pheuhmah lo hi. Kua in Pasian pianzia  thei tel zo a, Kua in  vangliatna khempeuh a nei Pasian a piankhiatna a vek in kantel zo ahiam?(Job11:7). Pasian pen mihing te theih na zah khengval in a lian Pasian ahi hi. Amah leh mah in hong ki gen ciang bek in amah a thei thei  pan ding  ihi hi.

Piansakna pen Pa Pasian nasep ahi hi.  Vantung in Pasian minthanna  gen in, vankumpi  in Pasian’ a khut tawh a bawlsa nate lakkhia hi.(late19:1)  Leitung leh a sunga om nate’ a omzia leh a hoih ,a lamdang nate in abawl Pasian (namcinsiamna- liatna) pholak khia hi. Aki piangsak nate khempeuh in a piangsak Pasian’ a lamdan zia leh a pilzia, a siamzia, a minliatzia, a gelkholsiamzia te ki langhkhia sak den uh ahihi. Bang hang hiam cih leh Pasian piansak nate khempeuh in tawntung vanglian a om tawntung Pasian  a hihna mit in muh theih ahilo Pasian a om takpi ahih zia leitung piancil aki pan tuni dongin ki lang khia sak ahihi. (Rom1:20) 

 Mihing te khat leh khat ih ki zop ciangin ki hopih ihih mah bangin Pasian in zong LAISIANGTHO tawh mihingte hong hopih ahi hi. Pasian kampau in mihingte hong hopih in thu hong pia hi cih Pasian kampau a hihna Thuciamlui ah  4000 vei bang om in Thuciamthak ah 500 vei bang om hi. Tua hi in Pasian kammal LAISIANGTHO cih pen mailam thu a gen khol ahihi. Tua pen mihingte ngaihsut tawm thu leh sansat tawm upmawh thu hilo in Pasian misiangtho te tungtawn in KHASIANGTHO in ahilh a genkhol ahihi. (2peter2:21 ,1The2:13)  Laibu tuamtuam tampi  tak a om hangin kua mah in mailam thu ding agelh kholhna uh om lo hi , a om ahi phial zongin a tangtung om lo hi. LST in mihingte nuntakna ah vangneihna leh  thupha ngah sak hi. (2Timo3:16)  LST bangin Laibu dang khat peuh in mihing nuntakna khel in vangneih nate ngah cih bang om ngei lo hi. Kum tul tampi sungah mi tampi in anuntak sungun a muh khak  thute uh leh a tuahkhak thu te uh tungtawng in hih bangin na gen uh hi. Pasian kamal LST pen  kimcing mahmah in kha(soul) te naleng bawlpha thei hi. Pasian kammal kicing mahmah in mihing nuntakna thak suak sak hi. Pasian kammal tangtung takpi in a pillo te pil sak in a thuhilhna te man mahmah a, lungsim nuam sak in, a thu siang mahmah a,mitte vak sak hi.

(late19:7-8)

Kum tulnih val tuni tan in kua mahmah in LST pen manlo hi Pasian kammal hi lo hi cih peuh mah a gen a gelh khia om ngei nailo hi. A hang pen LST sung om thu khempeuh a vek in Pasian humuap a hihman ahi hi. Tua ahih manin LST pen mi khat peuh gelh hi cih hi mawk lo in Pasian kammal hi cih up ding ahi hi. Pasian Kampau in Mihing te hong hopih mah hi.

NA KHEMPEUH A OM MA IN A OM KHIN A OM HIAM?

                          A THUPI KI TANGSAM DOT NATE

                     John Blanchard  

                                        ULTIMATE QUESTIONS No.1

KUA AA TATAK HI ING CIH NA TETTI NA NEI HIAM

NANG KUA AA TAKTAK NAHIAM 

Sih gen mawh nat gen mawh om het kei 

Zingteh a hih kei leh denteh si kha zenzen bang hi le cin

Ka kha in Zeisu kiang tung takpi mah ding hiam 

Tawntung nuntakna a nei takpi ding mah ka hiam ?. Nang leh nang na ki dongh ngei hiam? Na ki dongh huai Thu Khat ahi hi. 

Bang hangin tawntung nuntakna ngah dinga/ bang hangin ngah lo thei ding ka hiam Cih ki thei sinsen peuh mah dih in .. bang hang hiam cih leh 

ngah ning cih napi in a pulak nuam lo kul sa lo thupi sa / Thu sim lo na zenzen ahih leh na thei in Zeisu in “kei ma min hong daipih ngam lo te Kei zong vantung ka pa mai ah a min uh ka pulak kei ding hi ci lhi na ngah ding thei hi teh .

Bang teng tatak in tawntung nuntak na hong pia thei aa bang teng in hong pia thei lo hiam cih atel takpi mah na hiam ?

Johan masa 5:11-12. Zeisu tawh aki pawlpi te bek in tawntung nuntak na nei hi . Aki pawl lo te in nei lo hi . Aki pawl lo te in tawntung dih na hell meili pi sungah tung ding cih na hi pah hi .. Zeisu tawh aki pawl tatak mah na hiam ki lungngai in . Zeisu tawh Ki pawl ih cih ciang bang a cih nopna ahiam? ( John 14: 6) “Jesuh in ama kiangah, “Keimah in Lampi ka hi a, Thuman, le Nuntakna zong ka hi hi. Kei hong suang loin Pa kiangah kuamah tung thei lo ding hi.”

‭‭

Nupi Nau paii Khat in a sunga nau a om Ki pat thei sinsen  hi.

Na sunga a om Christ na sungah a om khasiangtho a om lâm athei takpi mah na hiam ?

2korin 1: 22

Pasian in eite pen ama a’ ihihna ciaptehna (seal တံဆိတ်) eite tungah hong bawl a, ama a’ ihihna le eite tungah a hong piak ding (tawntung nuntakna ထာဝရအသက်) na khempeuh a hong pia takpi ding ahihna a kitel nadingin eite’ lungsim sungah Kha Siangtho (စရန်) deposit in hong mapiak hi.”

Theih na mel không a nei nai lo na hih khak leh na  Ngaih sut ding kong ha thawng hi .Zingteh asi pah ding bangin 

Gupkhiatna thu kin bel in nei in ….. na tel kei leh tel keng ci ngam lel in .. syate upa te lim tak kup bawl in ….  Na kha a ding hoih bel hi.

Nau ki paii khem sak niloh mothak  na bat khak ding Zeisu hong pai baih ta ding hi hun leh Ni te kha te cing meng menga . Tua khawl kal ah Zeisu in kong pai kik ciangin upa mawh loh laitak guta bangin kong pai ding hong ci hi. Mattrew 24:43-44

Ki ging ta ing na cih leh bang pen ahiam na Ki gin ?  Amah hong sawt nawn lo ding hi . Hong tun ciang mai zum in ih bu zaw ding hiam nuam in ihKi pak zaw ding hiam ? 

Johan3:5  tui leh khasiangtho tawh na suah kik kei leh vangam na mu kei ding hi

“it is He who has also put His seal on us [that is, He has appropriated us and certified us as His] and has given us the [Holy] Spirit in our hearts as a pledge [like a security deposit to guarantee the fulfillment of His promise of eternal life].”

2Corinthian1:22

NA GAL PA THU OMZIA THEI IN

   I GALPA A KUA BANG DAN HIAM 

I galpa satan akoi bang hi mawk hiam?

Gal aki do ma in ih gal te om dan te leh agal van zat te bang nam hiam cih  ih kan masak ki sam hi.

Pasian Thu ih gen theih leh Dawimangpa Thu zong ih theih Ki sam hi . 

 1. Satan pen vangliatna anei mahmah tham khat hi (Efesa 2:2) Huihlak a uk vangliatna nei pa hi

(Kalose1:13) Khualmial vangliatna (John 14:30) Leitung uk pa (2korin4:4) Leitung pasian/topa Satan in thu nei hi ,vang zong nei hi Pasian neihzah anei lo bek ahi hi 

2. Satan pen guta hi (Matte 13:19) Gupna thu za napi akiplo te Satan in amaute sung pan  lak khiat sak in Lampi gei ah akia khaici Pasian thu aki za sa te  gukguk sak (John 10:10) amah pen A gu ding leh a that ding pa hi 

3. A cil pek pan satan pen mi that ding pa (John8:44) a Ama nasep Mi that Thu manna nei lo Thuman ah kiplo ,Zuau pen a tatak in gen aza kha ten up citaktak um Tua pen ama na sep 

4. Zuau Phuak Pa John 8:44  Thu zuau a gen ciangin ama thu a gen hi a ,zuau thu a gen te i pa Zuauthu a bupipa  Zuau khempeuh Satan kiang pan hong Ki pan hi zuau Thu Khat thuman Dana agengen te ii pa 

Mangmuhna 12:9 Leitung mi khempeuh a khempa 

5. Thu um mite hong mawh sak den pa  Thu um mite Pasian kiangah hong khia den keei Mawhsak na tawh hong kawk den (Aki pianthak sak hang a cici te pawl cih bangte)

 6. Ngian Hau Lua pa  2Korin11:3 Gulpi in ama zuau ngian tawh Ave a khem mah bangin Ngian hau mahmah pa Ngian kawi Ngian mam ngian san ngian eng A hi ding dan bang keei Ki lawm sak mahmah um huai sak mahmah  mi pil dingpi pi a upmawh te na ngawn in um zo phial 

7. Ki Neih Siam Pha Mah Mah 2Korin11:14 Vantungmi bangin ki neih theih hi zen A thei lo ten vantungmi sa kha liang uh .. va pai Thu khong va Ki ngen sak Thu khong va dong .Satan pen ki neihsiam pa Zeisu in Ni40 sung ann atan na ah satan kiang pan aw ging za masa pen pen hi . Pasian Aw tatak maw Satan Aw cih KHEN tel theih na Ki sam hi .

Tua pen bang ci khen tel ding ..????

Pasian na sem Pasian Thu gen hi ing a ci mi Khat  Khasiangtho gah tawh en tel ding (Galati 5:22 ) tua hih leh KHEN thei tel ding 

(Eternal life) tawntung nuntakna / kingdom tawh aki sai lo Pasian min paulam nasep na khempeuh Satan nasep na cin zong Ki KHEN tel thei ding hi. 

Zeisun in dawi hawl khia- 

Zeisu in cina dam sak-

Zeisu in na lamdang bawl - 

Hih teng khempeuh ahih na ahangpen -  amah pasian tapa ahih na ki langh sak theih na ding leh a um te in tawntung nun tak na a ngah theih nading adeihna . Sum khong la  mawkmawk a Thu ngen thei a akici te ,, ngian san a bupa Nung uh a zui te 

8. Satan Pen A guallel sa Pa (sihna leh thawh kik na) Pian3:15 Pasian tate dawi tate ki langh neihna om sak Pasian in Numei suan Zeisu in singlamteh tungah atangtun na ki langh khin ta  amah pen tuma kum 2000 lai in aguallel khin pa 

 9. Meikuang tawntung sungah khiatsukna athuak ding pa Mang20:10 Kat  meikuangpi sungah kamsang zuau pa tawh aki khia suk ding pa hi

*vangnei mahmah tham hi simmawh bawl ding hi het kei *guta mahmah hi neihsa teng hong guksa /laksak den hi 

* Ih lungdamna na ngawn hong laksak thei in Pasian thu ih zak na ngawn hong guksak/laksak thei hi 

Mi that , - Zuau phuak , - Ngian hau , - Thu um mite hong mawhsak den - Ki neih siam , - guallel sa pa, - Meikuang sungah apai ding pa a hi hi .

Pilvang takin om ni 

Dawimangpa nial ni 

(1peter5:8-9)

By: sya Khambawi 

PAWL TAI SAWM MAW ?

                           

                                    PAWLPI KHAT AH NA LUT DING CIANG 

            Pawlpi na lut ma in na theih ding pawlpi mi khat tavuan in bang teng tatak hiam theih masak sawm in 

1. Pawlpi mi khat’ tavuan (responsibility ) in bang teng hiam?

                                                                                     Hebru10:25

                                                                                    -Ki khawm tangtang ding kikhop pelh lo ding 

-Pawlpi midangte tawh khat leh khat tha ki pia ding

-Ki fellowship ding ih cih (kha thu mah ki kum tangtang ding)

-Pawlpi min tawh vai om khat peuh thupi ngaihsut in sem/ki hel tangtang  ding

Bang hangin Ki khop kul tầng tăng hiam?

John3:21

Na gamtat nate Pasian deihna tawh ki tuak hi ci in  naki lat sak theih na dingin khuavak sungah pai in

2. Pawlpi na lut ding takciang bang en masa ding? Or nang bang én masa ?

-Na kha in phat tuam na a ngah na ding om maw om lo en in ?

-Ki huh ki panpih, ki nuampih ki dahpih na (lumuhzyi/social servise) om maw om lo?

-Nang tua Pawlpi ah lutlecin na panpih theih na sep theih na’ng lampi om maw om lo  ?

Pumpi cidam kei leh kha zong cidam thei lo

Kha cidam kei henla hi lehzong pumpi cidam thei tuan lo

Mi tawh ki zop dan na siam theih kei leh zong Pasian tawh ki zop dan siam thei tuan lo ding tua ahih manin Mi tawh ki zop dan siam sawm ding

Meiphualpi khat ah Mei kuang pha mahmah hi, ahi zongin phual dang khát pen kuang het lo hi. Tua akuang zaw pen pan in mei am khat lakhia in akuanglo pen mun ah mei va kitawh leh hoih zaw hi . A kuanglo pen ahong kuang phat ding ki sam leh athupi sem ahi hi Pawlpi lian khat pan pawlpi neu zaw mun dang khat ah kituah ding zong a hoih zawk hun om kha thei hi . ahi zongin theih ding tua pawlpi ading bang phat tuamna nang mahmah in na piak ding talent khat peuhmah a nei mi na hi hiam? nei lecin tua pawlpi in nang hangin phat tuam lawh ding hi lim tak anung amai ngaih  sun  in.

3. Pawlpi mite tawh  koi ci  bang dan in nasem khawm thei ding ?

Efesa4;2-3

-Ki pumkhat ding( makai khat peuh “ gelna ngimna te sepna te huh ding sep khawppih ding)

-Ki niamkhiat ding( na khempeuh ah asiampen Topa hi ci ding kisa thei lo ding )

-Lungnem ding ( gilo ngoltawl,awtawl , kamkha zanglo ding, nunnem ding)

-lung duai ding ( hehpah, hawmthawh pah ngaklah themthumpah cih zang lo ding)

-Ki huhna tawh khat leh khat ki itna ki Langh sak ding

Filippih2:3-4

-Ei sangin midangte ading masak den ding 

-Huaiham lo ding( mun iplah tentan den lo ding)

-Kisial nop na lungsim neiloding

-Ki niamkhiat ding

- pawlpi acina sak thei (gensiatna , abeisa te lo den, deidanna, kipawl tuam pawlna cih te zang lo ding)

Kha gah a om theih nading in kha kung a om masak kul 

John15:5 Zeisu in kei pen lenggui ka hi hi ci. Kha gah na gah theih nai kei leh 

Na ki zop pih kung / a gui om nai lo hi ding hi.(galati5:22) kha gah 

1Korine9:14

-Gospel thu gen in apai pai mi khat pen Pawlpi ten  Ann avak dingna  neih tavuan hi(na Tavuan ahihi)

Galati6:6

Gupnathu  ahong gen ahong hilh mikhat pen na van hoih athupi amanpha pente na nangawn azat ding in  phal in  na pia ding hi

Hebrue13:7 

-Gupna thu hong hilh masa te phawk in amau dan in na na sep zawhna ding hanciam ding

Kalose4:3-4

-gupkhiatna thu agen te adingin thu ngetsak ding

4.Thu um mite/ Pawlpi mite  Bangci gamtat ding hiam?

• Ki pumkhat ding ki Thu hual ding (na deih bat loh te nuak san lo ding hamciam nopna lungtang pua ding)
• Pasian na semte panpih ding(sum, van, tha leh ngal, hun,pilna siamna )
• Pasian nasem te thu ngetsak ding

Credit:

Bible study by: Sia, Thangno 

 

MEI LEH NI TE SATNA

MEI LEH NI TE' SATNA 

Mei leh Ni Sat Na

• Thuksa  tungah tui pen asatna Fahrenheit za  112’ a tun teh soto  hi.
• Mualtung gam ah huih hat ahih manin tui so baih in khing kik baih hi
• Zang gam ah mualtung sangin huih hatlo zaw ahih manin túisa so hak in khing kik hak hi 
• Tuisa a soto vanvan sangin tuisa a soto sak meisan Lela pen nakpi in sa zaw hi

MEI …

Mei’ i a mel pen a san hi in asan mel sangin lingmaw(orange) mel sa zaw hi.

Lingmaw mel sangin  ankampak (yellow) mel sa zaw in a ankampak mel sangin anai(green) mel sa zaw hi. Anai mel sangin a van(blue) mel sa zaw in Avan mel sangin 

Adum (dark blue ) mel sa zaw hi. Adum mel sangin adumsan (purple) mel aki khel ciangin 

A sa penpen ahi hi. www. 

MUALPUAKKHAM 

Mual puakkham ( volcano) i Satna pen Fahrenheit 1200’ in  sa hi 

Tua khempeuh sangin a sa zaw khat pen leitung leitang laizang ah khualumna pen Sat zaw tham tham in Fahrenheit tul 12000’ kim in sa in tua in  Leitung pen Kaital in na khempeuh hup tuah ahih man in  atawntung in Leitung  ki kualpei pei sak hi. Leitung leitang tawh tua khualum pen Ki gamla lo lah Ki nai lua lo ahih manin leitang mun pan in Tua khualum i satna pen leitang tungah ki thei zo hi Lum Ki sa zo hi .

NI…

 

Ni pen Leitung pan in tai Awn sawm (million)93 Kim gamla hi . Tu a om na mun pan in themno khat Ki gamla zaw leh Leitung vot lua in khal dinga , Tu a sangin thêmno khat ki nai zaw hi leh lah Leitung lumlua leuleu in tuikhia ding hi  cih scientist tên gen uh hi.

Leitung maitang pualam pan ni a sat na pen Fahrenheit 20000’ degree Kim sa  hi in alaizang pan in satna ahih leh awn 27 (millions ) degree sa hi ci uh hi . Tua bang dimdiam in a a om manin leitungah khualum aki ngah thei a hihi .

Pasian in ama it mite om nadingin tua bangzah ciang asa alum bawl ahih leh ama muhdah mite om na ding  hell meili pen LST in a  satnazah ahong gen lian loh hangin hih teng khempeuh sangin nakpi takin sa khia mahmah zaw ding cih pen thuak ngam huai peuhmah ding hiam .

PILNA DEIH IN NA NGAH DING ATHUPI MASA AHI HI

                            

  PAUNAK LAISIANGTHO SUNGA PILNA THUTE

-Pilna neihna in ngun sangin hoih zaw in kham sangin manpha zaw hi. Amanpha pen suangmanpha sangin manpha zaw lai in mite deihtheih nate lak pan in tehpih theih dingdang  om lo hi.

-Na bil uh hong ngat in mipil te thu gen te hong ngai unla ka hong hilh pilna thu te na lungsim sung uh ah lutsak un .  Tua pilna te na lungsim un ciing in zang le uh cin na lung uh dam tawntung in  Topa muan in na nei thei  ding uh aa  na na sep na uh ah  na ma uh vang ding hi.

- Hong ki hilh thu te zui unla pilna thu te hong ngai un. Thu man pilna leh siamna ,thu ngaihsut theihna te  lei in zuak khiat ding pahmaih lua hi. Thu a ngaihsun thei te  inn sungah ahoih amanpha nate adim tak in om hi.

-Pilna pen i nuntak na ah khuaizu tawh ki bangin i tha hong dim sak in hong lungdam sak in hong lungmuang sak den aa, ih khan hong sau sak in hauhna leh pahtawina zong hong ngah sak thuah lai hi. 

-Pilna deih in pilna na ngahding athupi masa pen hi aa, na neih khempeuh na beilawh zaw zongin zong zaw in milian in nang hong bawl dinga pahtawina leh minthanna hong tungsak ding hi.

-Pilna in mi lungduai hong suak sakin hehna thangpaihna hong ki phawkloh bawlna hong nei sak in mi minthang hong suak sak hi.

-Thu theih na ding hanciam takpi inla thu muh nading hatkat takpi in  ngun ahih keileh sum aki sel amanpha zon bangin zong khia inla hatkat tak in pilna zong in  tua hi leh Topa zahtak na thu na thei dinga Pasian na thei tel ding hi.

  -Topa zahtak na pen pilna ki patna hi a, ama thupiak azui te khempeuh tungah    thukhen tel siamna apia hi. Pilna apia pa pen Topa hi a, pilna leh siamna te a hilhpa amah mah ahi hi.

paunak 21:30 
-Pilna leh siamna tampi ih neih tei hangin Topa deihna tawh aki tuak kei leh aki manna
om tuan lo hi.

-Na lungsim khempeuh tawh Topa muang inla nang theihna suang kei in . na hih na khempeuh ah amah phawk in tua hih leh amah in  lampi man hong lak ding hi.

-Nang mah a pil in ki ngaihsun tawm kei inla Topa zahtak in asia pel in. Tua hi leh nang ading in damna zatui tawh ki bang dinga, na meimate hong damsak in na natnate hong dai sak ding hi.

AKI SAM TA TE PATTAH ZIA

                                               

                                               AKI SAM TA TE PATTAH ZIA 

       Biakinn pan tate in  Nu te a it  zia ding a ki gen ngeungau theih den mah  bangin nute zong a ta in a it siam theih nadingin tate bangci  pattah ding cih ki gen ngeungau leh ut huai ka sa mah hi. Zomi te ki teng khin peuh leng ta nei ding nungak leh tangval ih hihteh ki teng ding in ta nei ding cih ciang bek mah a thei lai ki hi mai hi hang. Asang pen ih et na ah tate sang kah sak ding tansawm hong aung  ding cih ciang hi atam zaw. 

Ta te pen Nu te tawh pa te sangin Hun tam zang khawm zaw hi hanga 70% bang pen ta te in Nu te om dan kampau dan kitam zuih Zaw hi . Akhangto nailo te ihzat phatdiak ki pattah zia te en dih ni tai- hap- ngawn-khamp  - sat - beng- vau hhi ih et ciangKi thuhilhna tatak tungzo lo hi ciin Mu ing .Kam phunciak mana : ta te ataitai ahanhan 🥶🥶lungham sintom mana: ta te hap laklak 😬😬na khat hih khial leh aki khial thei mah hi ni dangciang na khialloh nang ki dawm in cilo  ngawn pah Gaga🤷‍♀️🤷‍♀️🤷‍♀️

•Nulehpa hoihsakloh khat hihleh galkap thuneih na tawh khamp cip pah ta te a khangual lak ah maizum ding khuallo 🙅‍♂️ngoltol khut ziatmana : ta te sat phatphat 🧹Nulehpa hihna pen galkap thuneih nadana tuat : ta te khong beng suk eik 👋 hong lau theihtheih nang: vau na tua cih hong tua cih ding daan hg pia ding na pa kiang na nu kiang hg gen ding hon khia ding na sya te kiangah cih khong👈ahihkeh paupih ngei vetlo cih te lim zat mhmh  hi hang. 🤐hong gen khiat hetloh hang ta te alungmeima na om thei hi. ta ten nu leh pa thu amanding a hoih mahmah zah mah bangin  nu leh pa in zong ta te ih lungsim puak zia kampau gamtat zia te pan en aawnem aki samte awnem tawh akisapna uh  thu gen pih thu hilh in thapiakna tawh khamp / uk aki sam te thapia in pattah leng a hoih lam in hong sang baih zaw ding hi.ta te in NulehPa te zahtak ding aki lawm ahih zah mah in NulehPa ten zong Ta ngaihsutna bang hi a a ngimna uh bang cih lunglut tak inthupi ngaihsut bawl ding zong ki sam mahmah hi. 

Topa'n NulePa leh Ta te ki kal kizomna thu athak in hong tel siam sak ta hen. 

Happy Mother's

SUNDAY SCHOOL SYAMAH HOIH KHAT

                         

SUNDAY SCHOOL SIA / SIAMAH HOIH  KHAT’ HIH NA

(1) Sia hoih khat  in gup ngah ki telcian na  nei hi.

A mah ngiat in gup ngah tatak mah ing ci’n telsinsen hi 

Pa Pasian in kei hong tel tatak hi ci’n zong thei hi

A nuntak na zong thungen in ki ap den hi

Tua bangin ei le ei in gup ngah iki telcian takpi ciang bek in gupkhiatna ih gen thei pan  hi

        

(2) Sia hoih  khat in phatna leh biakpiakna lui den hi

Nipi ni in a tawm penpen khat vei peuhmah Pasian kammal aki genna munah va kikhawm in va tu den hi

Pawlpi phatna leh biakpiakna te pen ama ading hi taleh pawlpi te ading hi taleh adik aman phatna leh biakpiakna asuak dingin sem ding den hi

Ni sim in Pasian tawh ki lawmtatna(laisiangtho simna) te zang den hi

(3) Sia hoih khat in a Lesson dingte ki gin kholhsa in nei  hi

          Ni khat in a lesson ding a tawmpen nai thum sung bang thungen in ki ging khol hi

          A class ah ahilh ding khutsiam(craft) tuamtuamte khawng namunna in  ki sin khawl hi

          La thak thak khong te zong in ki sin khol  hi

          Laisiangtho kamngah ding te zong aman na ngah khol hi

          A zat ding lim tuamtuam te zong zongin kankhia  hi

          Lesson te hilh na dingin ahun te ciamteh in hilh dan athak tuamtuam zat dingin zong 

          Khia hi

          Laisiangtho tawh aki tuak tangthu leh ngeina tuamtuam aki gelhna laibu te Laisiangtho

          Hilhcian laibu te kan in sim hi

(4) Sia hoih khat in pawlpi’i  nasep te theihpih   hi    

        Pawlpi buppi in aphattuampih ding te mu khol in a panmun ah hahkat citak in sem hi 

        A class te khen a lesson te at gelhkhol a classroom sung te phuahpha lemtuah cih te ah 

        kihel  in huh den hi

        Meeting hun ah citak tak in ki hel hi 

        A hih theih zahzah in a naseppih te ading advice tuamtuam kuppih hi

        A lawm dang te tungah zong advice tuamtuam  ngen zel  hi 

(5)  Sia hoih khat in thulehla/lai cihte ciamteh  in kem hi

         Kalsim in minsapna laibu nei in sangnaupang thak a om leh a min khumsak hi

          A lawm leh gual  te’i address /suahni/Nu le pa /alunglut mahmah uh 

          nakhatpeuh / a zi a pasal tungah abawl dan / zi leh pasal kikal ah vai tuamtuam leh   

          a theihhuai tuamtuam te pen limtak in ciamteh sitset hi

          a ciamtehna laibu ah kal khat khit kal khat khangtohna khiamsukna cih te a om bang 

          Bang gelh khia hi

(6) Sia hoih khat in aki kholhpih ding mi hoih tel hi

       Sia hoih in ama nungzui te tungah  lawmta khat bangin om hi

       Lampi ah aki tuak khak uh teh maitai in khutlet hi(handshake hi)

       A class sungah sangnaupang te tawh ki mawl khawm hi

       A cina a om uh teh pai in va veh hi

       Kum khat in atawm pen a nungzui te inn ah hawh in va pha zel hi

       Nupi papi te tawh ki lawmtatna nei khawm zel in sangnaupang te 

       Khantot dan te pulaknz va neihpih zel hi

      Naupangte it in theihsiamna tawh amau hih nate  sangsiam hi

(7) Sia hoih khat in hun man in hun zahtak hi

       A class ki pat ma minute15 bang  alol in tungbaih hi 

       Kalsim in biakinn tung den hi. A zenzen in aki khawp theihloh nading 

       thu a om khak teh ama tangding sia  koih khol ahih keileh Pawlpi siapa 

       Za sak khol hi

(8) Sia hoih khat in lim hoih lim pha ahihna tetti nei in lak hi

       A ma sep  dingte tungah olno nilhnelh in lungkia ziau atheilo dan in om  ziau 

       cih bang zanglo hi

        A haksat nate a hunla in thudam tawh lampi zongin ngaihsut dingin koih hi

        A ma sinsak christian nuntakzia  te a mah mah in a ma nuntakzia  tawh lak hi

        A ma ki cinloh nate siangtak in pulak in thungen in  ki puahphat theih na’ng zong hi

(9) Sia hoih khat in  amah leh amah in ki gingkhol den hi

       Pawlpi sungah ama sep ding hih ding tawh ki sai laibu hoihte magazine te kan

        In sim hi

       Kum khat in a tawm pen khatvei bang makaihzia sinna(leadership training) khat 

       Peuh kah in sin hi

       Pasian kammal LST limtak  kankhia in Pasian gennop a deih nate thei khia hi

(10) Sia hoih khat in ki hilh dan athak tuamtuam ki gingkhol hi

         sia dangte in ki hilhdan dinga abawl te  kankhia in  ama hilhna ding in zangsin cih 

         dan tuamtuam hih ahih manin a ma hilhna ah siamlawh khangtohna ngah lawh hi

         sia hoih khat in amah leh amah sia hoih ahi to semsem dingin ki hilh  ding kisin ding

          ut hi