BANG HANGIN TA PAWL KHAT TE IN THUMANG DING UT LO UH HIAM

BANG HANGIN TA TE  PAWL KHAT THUMMANG DING UT ZO MAHMAH LO UH HIAM 

(         1samuel 2:22_25    )

BANG HANGIN TA TE  PAWL KHAT THUMMANG DING UT ZO MAHMAH LO UH HIAM ?

Ta te in  thu aman nop phat kei a- aki hilh theih phat kei leh .a Pa uh tawh aki thuahna uh tawm lua cih na hi.

 

pawlpi vai maw , khua leh tui vai maw , minam vai maw ,sum bawl vai maw, nasep vai maw khat peuh peuh tavuan na neih na hangin innkuan zi leh ta te nuasia den kei in . Annkung no lak a-kiak te aki hah hun dingin aki hah man zawh kei leh annkung te hoih tak khangto zo lo in tua kum in tuk ann ki zawng  hi .ta te pantah dingin na zi na huh ding hun tawl khat sung bek hi dinga ki manlah saklua liangin na ta te tawh ki kholh hun zong pia lo in na om kha hiam na hun pia khia zel in .          

Hun pia ih cih ciang in ki ho pih ding a uuk a deih uh bang hiam cih khongte genpih zel  ding ki thuah khawm ding , ki mawl pih ding , apua lam pai khiat aki sap leh pai khiat pih zel  ding na sep dan gen  ding ,sep dan tavuan hawm sak ding cihte aki pan adang tampi lak ah na hun piak ding it sit kei in .  ta te in kum13 aphak ma ciang khong bek in a nu leh a pa tawh ki thuah ding hong ut bek ding  uh a- tua khit ah na zawt  bawl aa - nik  hong lei sak ning puan hong leisak ning na ci zong in hong zui nuam nawn pak het lo ding uh hi . tua pen ta te cidam in mi abat uh leh ahi ding mah hi -a ih sangsiam ding ki sam hi . nu le pa pawl khat te in tate a neu lai un pantah ding kinlo napi uh in them hong gol pian ta vua thumang loh hong ki pat taktak ciangin deih tak khauhtak in ukcip ding ki pan pan uh aa tua pen zeekai khin ta bek thamloh in tate lungsim natsak gawpna piang sakthei zaw ahi manin Ki dawp  huai mahmah hi. (kalose3:21)  Tate in athuak zawh loh zäh dong dingin thu hìlh in tài niloh kei un. 

 

      Kipawl na khat peuh ah  mipi pahtakna ngah pong mawk napi in eima innkuan sungah khantoh na leh picinna a mulmal  mel a om kei leh hanciam  taka na  ih sep na te ah ih phat tuam pih bang om mawk ding ahiam?.  Siampi Eli in siampi na sep sem in Samuel na ngawn Pasian mizat asuak ding apantah pha mahmah pa khat hi napi in ama tapa te ahih leh thumang lo Pasian zahtak lo a utut un  a gamta te peuh suak in amau khangah apa uh ahi  siampi Eli zaa a zom to ding na ngawn om  nawn lo mawk in galsungah si khin in khan sih maimang lel mawk uh hi.     Na ih sepna company / ki pawlna / biakna pawlpi khat peuhpeuh ah tavuan hong Ki piakna mun na  ngah na mun te ah citak tak leh hanciam takin tavuan na zawh dong na sep mah bangin Pasian in Nu leh Pa tungah  kep ding, pattah   ding leh ih maikaih dingin ahong piak ih ta te pen na dang khempeuh te sangin ih kin masak  ding, ih buaipih masak ding ih thupi ngaih sut masak ding  hi ci in Zomi Nu leh Pa te tungah ih ki phawk sak phapha nuam  hi .

Ta te in  thu aman nop phat kei a- aki hilh theih phat kei leh .a Pa uh tawh aki thuahna uh tawm lua cih na hi.
Pawlpi vai maw , khua leh tui vai maw , minam vai maw ,sum bawl vai maw, Nasep vai maw Khat peuh peuh ah na hi phial zongin na zi hun in na ta te a dingin na hun pia khia zel in . 
Hun pia ih cih ciang in Ki ho pawlpih ding ki thuah khawm ding , Ki mawl pih ding , Apua lam pai khiat aki sap leh pai khiat pih ding na sep dan gen  ding ,sep dan tavuan hawm sak ding cihte aki pan a tuamtuam hi. 
Ki pawl na khat peuh ah  mipi pahtakna ngah pong mawk napi in eima innkuan sungah khantoh na leh picinna mulmal mel a om kei leh Hanciam taka na Ih sep te ah ih phat tuam na bang om mawk ding ahiam?
Siampi Eli in siampi na sep sem in Samuel na ngawn Pasian mizat asuak ding apantah phat mahmah Khat hi napi ama tapa te ahih leh thumang Pasian zahtak lo utut a gamta te suak in amau khqng ah apa uh siampi Eli zaa a zom to om nawn lo mawk in galsungah si in khan sih maimang lel mawk uh 

THUKHAM 10 TEN COMMANDMENTS

                 THUKHAM( 10 ) •

THUKHAM pen zui teta ding hilo zat ding” 

 Ih mai lampi ah gampa na bing cip leh ei put Zoh ding hilo hileh ki leh kik ding maw?  Tuipi lian mahmah khat om hi tua pen Tua pen Tui zama kantan zawh dek ding hi peuh mah lo hi Aihzongin tua tui lai ah kantan nadingin gunkuanh Khat om in tua tawh ki kantan zo bek hi Tuni ei thu ummi te adingin zong tua gunkuanh pen Topa Zeisu ahi hi Zeisu hong pai khit ciangin laisiangtho thuciamlui pen Ki sam nawnlo hilo aa laisiangtho thak sungah Lak khol na ahi hi. Ei te biak Pasian pen aki mu thei lo Pasian hi Bang hiang cih leh LST THUCIAMLUI Sungah Vantung Leitung tuisung lim asun na khat peupeuh No te biak dingin na zang kei ding uh hi. 2 Pasian in alehlam in zang kei in gtn: zeisu min tawh Hih nu hipa ka samsiat hi ci lo ding cihte; 4 Sabbath ni siangtho sak un Sabbath ni pen Pasian a ding hi peuh mah lo aa ei ding  ih pumpi a tawldam na ding pasian hong deih Sak na hi zaw hi. Pasian in ngaihsut na hong pia hi tawlngak hun bawl in Hih ih pumpi mahamah zong khasiangtho ten biak inn hi cihi laisiangtho in ,Pasian in ka inn abawl sia te ka samsiat ding  hi ci lai hi 5 Leitungah nuam sa in na khan  uh asau theih nadingin na Nu na Pa Na zahtak un ci. Pasian in ih thupha te Amun mun asansan ding na seh hi 

khan sau na dingin na Nu na Pa na zahtak ding ci Malakhi laisiangtho sungah leleu ah sehsaamsuahseh khat piak na tawh vantung padenpauh te kong hon ding hi ci kongpi Te hong hon lo se hi 6 Mi that kei in laisiangtho sungah mi khat na muhdah na zong Mi that ki ci hi .Tua ahih leh mi Kim ki penglo ding hi hang Tua ahih leh Kua that ding ahoih lamsangin  ih Ut ih deih na khat peuh te That zaw ding hi hang  7 Nulepa Mawhna bawl kei in laisiangtho in iplah bek tawh na et Bek zong amawh hi teh na ci hi. Kua peng ding ih hi hiam ? Na zi na pasal tungah citak in nupa ahi nailo peuh mah Kua Mah ki sukha ki lawng kha sak peuh mah kei in . Nang tha tawh haksa mahmahding hi Topa kiangah hong siangtho Sak in ci inla thu ngen in Christian tetek na hi phial zong in Na pumpi ki phal kei in na mawh Khak na pen na Suan na khak tungah Hong tung ding hi. 8 Gu kei in Ih thei loh kal in zong ko gukha thei om veve hi sai ah van en en guanh Kha cih teh Laisiangtho in bel sawm ah khat hong pialo te guta kei neihsa hong Guksak hi na ci hi. I ten na US kumpi tungah zong Tax piak ding ih piak loh na zong Guta hi . 9 Aman lo tetti (withhness ) pang kei in Na khialhna na pulak ngam loh na zong amanlo tetti hi Na Khialh na pen pulak khia ngam in thuman tetti hi 10 Na veng te inn leh van te deih gawh ken Tulai tak a na neih bangbang tawh lungkim in cih na hi. Ih vanlui te zong iplah luatna zong pasian in deih lo hi Khek a kul te khek pahpah leng in tanyawsin nei kei in ToPa Sung Lungdam tawntung  in vangam ih tun ma in hih leitung ah Om dan nuntak nop sak na dingin laisiang tho sim in tha la den ni . 

Thumna hih lai pen  a manlang thei pen in syamahnu’ hun zatlaitak aki gelh hi aa aki cing lo zong om kha om ding hi .

 ZAC Sunday Service 02/23/20 Mat: 7:12 By. Syamah Sian Lun MAG bowling green ,KY

LIANUN SINLAI SILHPUAN BANG KHEK TANG

 Lianun ,Sinlai silpuan bang khek ta Ing

Nidang in ka ut leh ka deih ka ngaihsut in Keipen numei khat aa apiang hi inga nikhat niteh pasal nei in inn nupi khat suak ding cih pen ka Mai ah katuah khak ding thu khat hi cin ngaihsut na kanei  hi. Tua hi in ka pasal ding Kua hi dinga akoi cibang mi ahi tam cin ka ngaihsun khathei zelzel hi.

Ei pen zogam zomi nuntak haksa in sumleh pai zon ,pil leh siamsin na cih te haksa kisa mahmah ahihman in bangci lampi tawh hih zawnna nuntak haksat na tualniam na te kantan  zo ding cih ka ngaih sun sun aa, Himahleh, ken bang  kasemthei tam bang semleng nun kilamdang  pian ka ki lamdang sak thei zo tam cih ka ngaih sun ngam kha ngei kei mawk hi .

 Ih Zo ngeina ci diam ih Pu ih Pi Te khang sisan pan ih luah suk bang hiam khat in hong awh in Tua in tuni 

Zomi Zolia tampi hong khih in hong tuantualsak(mi hong banlo )sak hi.ci in ka mu hi.

Tua pen Numei ten a pasal ding a lunggulh / azon dan ahi hi.

1. U zaw inn le lo mun leh gamh luah Te 2. Phunglun phunglian/ beh mimal tamte ,sumhau Te 3. Inn mun lo gam ahau Te . 4. Pasal pha ,mikizen 5. Atha hat agal hang 

Cih Dan tuamtuam Te hi in hihpen tanglai nidang lai hun aa Zolia te ngaihsut na hi .

Tuhun pen: 

1. Sumhau,2.gamdang om3. Pil na nei/buaih ngah .siam na nei5. Nau zaw , teek hawnlo 6. Apiang thak /Pasian mizat minnei 7.Meh huan siam 8. Music siam . Cih bang dan tuam te le adang tampi om in teh.

Hih teng khempeuh pen tun ka ngaih sutciang in ei mimal  mah mah in hanciam in lawhcinna  gal et ding leh mailam khantoh lam manawh nang om ka sa het kei aa hih bang ngaih sut in ih neih man in hong zawngsak zaw leh hong picing sak thei lo zaw hi cin ka mu zaw hi.ih Christian life zong tawh aki tuak het lo khat suak  hi cihpen kei muh na hi.

Piancil LST sungah Ave Numei pen apasal Adam adingin huhnu/ahih (helper/supporter ) ci in , nungzuipi Peter in Christian nupi te pen inn nasep aki zen ding te (1peter), paunak31: a mah in a nik sing tento in a puan ban khep  to in thanuamtak na sem hi. Khau khek in ama puan ding aman gan tawm /phantawm khui tawm hi na cih ngiat hi .

Bang hangin ei khangthak zolia  te hi cih tualniam kha mawk dih zen ding i hiam cih ka ngaihsut ciangin ahang tampi lak ah 

Ih zawn luat man

Ih tha dah luat man

Ih lungsim tualniam luat man

Ih mei dawi mahmah / hangsan lo luat man 

Na athakte  sin nop na ukna lungsim nei loh luat man 

Hi diak dingin ka ngaihsun a

Hih teng mahmah in ih mailam  khuavak  hong Liah hong dal hong dal den hi zaw hi cin ka mu hi . Tua man in mailam nuntak kilamdanna picing na , lawhcin na  minphatna taktak ih ngah  thei kei hi. Tua man in tun ken hih azawng /atualniam lungsim ngaihsutna pen ki khel  ding pen ahoih pen leh ih khuavak tang ding hi cin ka um aa.

Tun kei kaki khel ta aa kei ma mailam lawhcinna ding pen keima  liangko ah ngaktoh ka sawm ta hi.Tuamah bang in Zolia tampi te in zong hih hakkol  (bondage)pan suak ta in ei ma mailam khantohnang lawhcin na ding pen ei ma liangko tungah nga to ta ni cin tha hong  pia sawn nuam ing.

1.sumhau pasal nei ut na pan ei mah in sum hauh nang na sem in sum zong sumbawl ut  zaw ta ni. Ei mah mah a piangthak Ki cian masa hih ding tel zaw ta ni 

2. Pil na nei pa ii zi   ut na pan ei man pil na zong tawm zaw in neih zawh sawm zaw ta ni.

3.gamdang om khat I sap ut na pan en mi sap thei ding mun ih tun theihna lungsim  pha pua zaw ta  ni

4 . Ei ma mailam khantoh  nang ei ma liangko tungah ki suanto zaw ta ni. 

Zomi numei te zong hong  piangsak Pasian in a pil a cim ahat ahau a nei alam agualzo ding in lei pianma pek in hong tel sa numei te mah hi hang .hanciam ni lungneu ngei kei ni.

Banzal thelnah : Lengtong hoih 

MELHOIH LEH TEI A THUAH ABIGAIL

                            ^{MELHOIH LE TEI ATHUAH  ABIGAIL} 

                                                                      (Titus2:3-4)

     

            Pasal pawl khat in  zi hong neih tak uh teh a zi ading in aki tuak mel lo  pasal pawl khat om thei a, tuate lak ah gankawi na tawh anak hauh mahmah Nabal pen a zi tawh aki tuak lo pasal khat ahi hi.Nabal’i a zi pen a melhoih leh tei mahmah a thuah amah leh mah aki uk zo (self control) anei ngiat Abigail ahi hi.(1Samuel 25:3) Abigail pil in a tei dan pen  Laisiangtho athukkan khia Hertbert Lockyer in hih bangdan in na  gen hi . “Vantung pilna hi in vantung thu theih tel na nei in amah leh amah aki ukzo (self-control) ,thukhentel theihna leh mailam thumuhkholh theihna nei in mizalian ukna thunei ulian khat  peuhpeuh i‘tungah  thumuam zo in numei thupi mahmah khat a hihna  aki lak khia zo numei  hi” na ci hi.

       Ahi  zongin a pasal Nabal leuleu pen( V10)   siatpi aa sia akhansia aki liansak aki hihsak, Kua mahmah a awlmawh lo ama thu  bek thupi akisa, amah leh amah aki ukzo lo mailam ah bang thu hong piang thei ding cihte khualna aneilo  zukham thipthep khawng nuam asa, a hehna khawngte apau khia liauliau mi khat na  hi citciat hi.

   “Hih mun ah phawk ding thu khat , Nabal Ki hihsakna ahi hi( Paunak6:16-19 ) Pasian in akhah khong ngeiloh thu sagih acih om in tuate lakah( V17 )na kihihsakna  ahi hi. Ki hih sakna cih pen ei leh ei  midangte sangin asang zaw bangin ki ngaihsutna midang te in hong pi bawl ding ut denna leh mi khat peuh tungah kampau khauh zanga pau giapgiapna, na asa  kha kei tam cihte khualse lo aa, Kam pau liauliau na, akha theithei in  midang te tungah kamkha zat nate poisak lohna cihte a hi hi . Nabal zong naki hihsak kha in David tungah awlmawhloh na kammal a pau na   hangin Pasian in ama tungah gimna sihna ciangdong na tung sak mawk hi. (Rom12:3) na ah “  Note tawh a kituakzah valin kilian ngaihsutzaw kha kei un. Pasian in note tungah upna hong piakzah tawh kizui-in kingaihsun bek zaw unla, a kilawm ciang khat bekin kingaihsun un.  Na klhempeuh tungah lumgduai zawhna kn  lawhcinna lampi hi  pah hi. (Patience  is the key to success )  lungduaina in lawhcin na ‘i molhtum hi.

David’i bilkha ah amang theilo akha velval ding kammal pawl khat om aa tuate “David na cih uh Kua hi-a, Jessi Kua ahiam?” . Tua te in 

1. Tuu a cin na gamsung pan hong pai khiat thingtheng lai in Goliath mai ah a ding tiuteu laitak 
2. Kumpi inn sung pan taikhia in gamsung ah Sual in that dingin anung delh delh laitak 
3. Gamsungah  gilkial dangtak in Ann leh Tui Nabal kiangah huhna a nget laitak

David Kua hiam? Jessi kua hiam?    Aki cih denna pen ahi hi. A pa Jessi min aki lawhsak sial in   David in nasa phadiak ngeungau leh ki lawm hi. Banghang hiam cih leh ih naupan lai in Sanginn khawng pan in ikhangual ten mite lak ah ih pa te min khawng peuh tawh  maizumsak nadingin hong bawl thei mawk uh a, ih naupan lai ahihman in kikhasia ngeungau in  ki  maizum peuhmah kha thei mawk hi.

          Karmel mual kim gamsungah  David leh  a galkap te  a om laitak un  azat ding, a nek ding leh a dawn ding uh  ann le tui ahi-a, sa ahi zongin huhna ngen dingin Nabal kiangah agalkap sawmte David in sawl hi. Ahang pen David in  gamsungah  Nabal’i tuucingte hoih takin huu in napanpih ngei hi.Tua  hangin David in ama lungsim ah “huhna ngen leng hong itsit ngam buang sam kenteh ” cih lametna nei kha hi ding hi. ahizongin   Nabal in huhna na  pia cih genloh na thusimlo in “David kua hiam? Jessi kua hiam ? Ka thei ngei kei hi”na cih san liuliau zaw sawp hi. Hih thu David adingin kha lua mahmah hi ding hiven . ahehna  khamzo nawnlo in Pasian deihna bang hiam cih na ngawn   phawk kha nawnlo liangin ( out of self control) tha khatin a namsau man in agalkap 400 te tawh ki t Karmel ah Nabal vasim ding,amah tawh aki zom mi khempeuh zong sumai mang ding,amah zong hawi vet lo ding  ci’n  hong kuan khia ta mai hi. Nabal leh a innkuan teng sumai mang dingin David hong kuankhiatna thu Nabal tuucing te khat in na thei kha ahihman in nawhsatak in hong tai vingvenga- a Pi Abigail kiangah “ Pi aw ka Pu kiangah David in huhna hong ngensak a, na theih sa mah bangin ka Pu haina in David hehsak ahihmanin tu-in hong sumai mang dingin hong kuan khia uh hi .amau te mi sia hilo hi gamsungah ka om lai un kote bang mah hong cih lo in hoih tak in hong limbawl mahmah te hi uh hi . Hih thu thei inla  na sep ding thei ta in ci’n a gen khitlian teh,  api Abigail zong apasal Nabal’i thu ngaihsunmel lo in agamtat siatnate thei lua lel ahihman in hilh nawn sese lo in akisam van le na teng vaihawm tingtengin a-late tungah tuate guan sak pahlian in . Lamkal ah David a dawn tuah dingin kuan khia pah vingveng hi. Abigail in David a muh teh a la (sabengtung/Mizo ,donkey) tungpan tuakkhia in leilak ah bok suk pahlian in David khephungah thum pah hi.

         Laisiangtho sungah Abigail in David tawh aki muh ma in  thu ngen phot hi aki cihna lian a om loh hangin Abigail in thu ngen masa phot hi ding hi. Banghang hiam cihleh  David kiangah a thumna azat kammalte(v28-32)na ah  ki mu thei hi .         Abigail’i pilna leh a tei na in David’i hehluat mahmah nateng beimang sak hiau in tuisuak sak lian a,Pasian mai ah a khialh gamtat mang dektak  nateng  kiphawk khia sak lian mawk hi . hih mun ah David in Pasian lungtang tuak hi aki cihna  ki langh kasa mahmah hi.(v32-33) na ah   “Tuni-in keimah a dawn dingin nang a hong sawl Israel-te’ Pasian, Topa in thupha ngah ta hen! . mi thahna le keima khut tawh phulak nading panin keimah hong kem nangma ngaihsutna in thupha ngah ta hen!”   ci in David in  Pasian min aphat zia  amasa in  akialh khakloh nadinga agenkhia ding mi asawl bang Pa pasian pan alen kik Pasian anihna ah akialh lam aki phawk khia sak thei Abigail ngaihsutna hi in David pen Lungdam koh zia anak siam mahmah  khat hi ci’n ihmu thei hi. David in Abigail’i thumna  nasang ahih manin Abigail’i lungsim pilna le thu gel siamna in Nabal leh a innkuan khempeuh  ki that maimang na ding pan in na huu khia zo ahi hi. Tua hi a, ih Ngaihsut dingin ei tapidaw Nupi te in e leh ih pasal leh a inn kuan te aki Khen sak aki sia sak peuh ih suak zaw kha  hiam?.tawntung sihna meilipi tun theih na ding pan a huu khia zo te ih hi zaw mah hiam ?. ki phuahpha kik dih ni na pasal innkuan khempeuh adingin  numei thupi mahmah khat nahih  na alak khia zo zi  manpha Topa in hong  hisak ta hen.

NABAL IN A LIPKHAP HUAI MAHMAH SIHNA DING NA PHAWK KHA HIAU LO 

        Abigail inn lam zuan in ahong ciah kik takteh a inn ah apasal zukham dihdiah sa in na om philphial in, thuman thutak bangmah bangmah ki genpih thei nawn ta lo hi . Ahi zongin Abigail in apasal a pil kik hun ding ngak hithiat phot zaw in   a zingsang ciang bek in azanni thupiang teng a pasal  na gen pih pan hi. Hih mun ah ih etteh ding  Abigail in a pasal bang hunah thu ki kuppih pan   hiam?. Ei tapidaw nupite in e leh ? bang hun in  ih pasal te thu le la kikup pih ihiam? . “ Paunak15:28 Mihoihte in a kampau ding ngaihsun phot a, (paunak 21:23 ) kampau a ki-ipzote Lungkhamna tawh kipelh hi.” Acih mah bangin aki dekzo aki ipzo hun akhentel siam tapidaw nupi te ihih thei ding  iki sam pha mah mah hi tua ding in zong   Topa in thupha hong pia ta hen.

      Abigail in a pasal tungah athupiang teng ahong genpih  takteh Nabal nak pitak in  hehlah heh laulah lau  ahihman in puksuk in gawnggawcip hi.Laisiangtho in suangtum suak hi na ci liang hi. A tawp khakna ah Nabal nisawm sungdong dam kik tuan lo ahihman in amah si hi. Nabal a sihna thu David in azak  tak ciangin(v39-40) hih bangin na ci  hi . “Nabal khut tung pan in ka ngah zahko na hong thuk kik sak  mi that in khut khial ka hih nading pan in hong lenkik Topa in thupha ngah ta hen.”   Topa mah na masak pah hi. David pen Pasian lungtang a tuakpa akicih ding mah na hi mawk ka sa hi!! Sya Pum khaw Thang laphuah bang ngei in “nonglamto eklei pan in” Zogam leitang kenlak guamlak leivui lak pan Zomi te hong lamto  Zomi te Pasian Israal te Pasian in thupha ngah ta hen.   Hallelujah Amen!!

    (V40)na David  in  Abigail ama zi dingin na la hi. Hih mun ih et ciangin Nabal in ama nuntakna bek sih lawh hilo in anungsangah  aneihsa teng leh a zi na ngawn tan lawh hi. Abigail pen  Pasian nasep zia theihtelna anei numei pil le tei athuah khat hi tei sam napi Nabal in a Zi Abigail bangmah kamkup pih na nanei hetlo mawk hi cih zong ih mu thei hi . Tuhun  tapidaw papi te in e leh ih  zi te  kamkuppih na ihnei ngei zel sam hiam? Ahi kei leh , sawltak Pual in Efesa khua pawlpi te athu hilhna  Laisiangtho mun khat bek la in (Efesa5:23-24) zi te tungah kei  bek a thu nei pen hi ing  ci kha den zaw ihiam?. Tua bang  tapidaw papi pawl khat ki om kha gige thei hi . hih laisiangtho mun bang kip let peuhmah bilbel in a zite’i thu a don lo liuliau pasal pawl khat  ki om  mawkmawk  hi. Tua bangte thuman khin lo hi. Hih thu aki tel khialh khak  hetloh nadingin nungzuipi Peter in limpha tak in na gen hi.(1peter3:7)  “na zi te uh na zahtak bawl un tua hileh na thu ngetna uh bangmah in hong nawngkai sak lo ding hi.” Tua teh  tapidaw nupi  pawl khat  ta leuleu in apasal te uh athu uk zaw zong na om thei veve  in, ahiang tam khol lo uh hi. Tua bangte zong na thuman tuanlo hi cih zong phawk ding Ih ki sam hi.(1Timoti2:12)sungah “ Numeite in pasalte tungah aana nei-in thu a hilh ding ka phalkei hi.”ci  in  Sawltak Pual in ukna ki thu neihsak na cihte a om loh na dingin ( equal right a hi lo  right position) eima mun tek ah  om theiding a deihna tawh teltak in hibang ana ci hi zaw hi. Pasal te mun a om mah bangin zi te mun zong om a, eima muntek ah ih om theihna pen  kilemna’i zungpi khat hi pah hi. Tua hi in zite mun ah zi thuneihna akoih siam pasal pen pasal pil hi dinga pasal  mun ah pasal thuneihna akoih siam zi zong zil pil mah kici ding ahihman in Pasian thupha piak innkuante suak pel mawh ding hi. 

Theih sak na

hih  bang dan zi leh pasal kikal haksat na a nei kha te in zum ngaihsut lo in laisiangtho siam syapi te ahih kei leh na muan uh Laisiangtho a siam khat sam unla ki gen khawm sak un . khat bek in thulang ama lam bek gen cihte hih kei un.

mi pawl khat muhzia (The beauty and the beast )

       Laisiangtho sunga Abigail leh Nabal te thu pen  movie minthang sim tham khat ahi  America ah a theilo a om lo phial ding The Beauty and the beast movie tawh  kibang hi ci in na genteh uh hi. A pasal bel awlmawh mel neilo in zu kham kham  ihmu mu innsung buaina’ng tuam tuam bawl tawm den hi mah ta  leh a zi in nusia in tai san ning cipeuhmahlo kiniamkhiatna lungduaina tawh inn na sep dinga kilawm teng citak takin apasal dingin sep sak den zaw hi .ci uh hi . Hih ih et ciangin  nungzuipi Peter in tapidaw nupi te omzia ding hong hilhna ih phawk hi.(1peter3:1-2) zite aw, na pasalte uh Pasian thu um lo ahihkhak leh na gamtatna hangun Pasian thu a uptheih nadingun na pasalte uh thu na mang un. Kampau kul sese loin, 2 na gamtat hoihna uh a muh uh ciangin Pasian thu hong um ding uh hi. 

    Thukhupna

 Christian te lak ah thupiang te ih et ciangin zite leh pasal kikal buaina tate leh NulePa te ki kal buaina khang semsem hi cih ki mu khia hi. Ih langh pa in Pasian zahtakna abei semsem theih na dingin Christiante’i innkuan sung mah pan  suksiat kipat ding gel tawntung hi leh ki lawm hi. Tua ahih manin sawltak Pual in Krete gama a om pawlpi nupi  te kiangah hih bangin na vai khak hi. “  mite in Pasian’ thu a gensiatkhak loh nadingun numei khanghamte zong a gamtat a khuahek uh a zahtakhuai ahih nading, mi gensiate ahih loh nading, zunek kiphamawhte ahih loh nading, thuhoih thupha hilhin, 4 amaute sangin a nauzaw nupite in a pasalte uh le a tate uh a it nadingun a hilh ding, 5 thu ngaihsun thei, a gamtat siangtho, inn nasep a kizen, a migi, le a pasalte uh thu a mang thei mi ahih nadingun na gen un.” Na ci hi. Tua hi a(Titus2:3-4) sungah ihmut thei mah bangin ih hihna khempeuh ah lamlak makai lungsim pua in Abigail lungsim a tei zia  leh nasep aki zen zia bangin eite in zong Christ hong itna aki langkhia sak zite ihih zawhna ding hanciam semsem ni. Tua bang ahi dingin zong Topa in thupha hong pia ta hen.

MEILENG NUNUNG(the last train)

                    MEILENG NUNUNG (The Last Train )

        Nitak khat Meileng station khat ah Thangpu  meileng tuang dingin hong tai thuangthuang hi . A hizongin meileng apai khiat khit  tawh Ki tuak lian ahihman in lap loh kiukiau hi .Thangpu   zong a aww neih zah in hong  awng  khia in” na ngak ve maw hehpihna “tawh ci in a khut a van tuaituai hangin meileng in dam didi in thangpu pai khiat san hi .

       Tua bang teng tawh Thangpu zong next train ngak hi . A sawtlo in meileng nunung khat hong pai kik pah   a tua a meileng pen  a koi pai ding cih zong en man lo liang in kahto pah phengphang hi.

        A Sawt sim pian khat hong Tuankhit takciangin Thangpu hong Ki phawk aa ,, 

“hih ka tuanna meileng pen akoi ah apai ding hi mawk akei’ ”peuhmah mawk “Mawk peuhmah”

ci in hong patau simtham hi. Meileng sungteng Hong Kileh thuangthuang koikoi in agei ah atu mi dang  te  kiangah “hih meileng akoi teng apai ding ahia akoi teng a tung  ding aa ?? hong gen vevua ,, hehpihna tawh hih meileng hong khawl sak un maw “ci in athum saisai hangin Kua mah kua mah in Thangpu a et gualgual simloh buang uh a dawng kik khat beek om ta lo uh hi. Tua  bang beengbuang teng tawh  Thangpu ‘a dip ‘ in “pukpuk”pukpuk” ci in alunghihmawh lua in alungtang  Ki nawh sai mahmah mawk hi . A meileng bel ahih leh  apai ngei mah in ^{“chawkchuak  chawkchuak”} ci in lah khawltuan lo lah hattuan lo lah dampai cih om tuan lo in pai vaangvaang  lel mawk hi. A gei aa mi dang teng inlah Thangpu pen  awlmawh tuak beek  lo lai uh hi .Tua bang  laitak in Thangpu  gei ah Pu tek khat in “

     “Khangno pa aw koi ah pai ding na hiam bang thei nuam na hi hiam ?”cin hong dongh hi.Tua ciangin Thangpu in “ hih meileng koi lam ah apai pai hi mawk aa koi teng a tung ding hi mawk ahiam??” Ci in dongh aa,,,

Putekpa in :: Tangval pa aww hih meileng pen huaaaaaa ….agamla  leh a tanzau mahmah gun tuipi gei mun khat ah apai ding hi. Tua lai mun pen aTung Peuh peuh kua mah  hong Ki lehkik a ciah kik cih bang om nawn lo hi .. Tua mun pen    A min dang khat in  gen leng Sihna zong ki ci hi ..”

Ci in Putekpa in Thangpu a gen hi…. Thangpu zong dam deedaa in hong lung ngai in a  mai suah hong khing khepkhiap mai ta hi.

            

       Tua hi aa khangno te nungak te tangval te Aw hih Leitung ah mihing  in ih  piankhiat akipan in hih meileng tungah atuang pa Thangpu bangin tua meileng tungah nang leh Kei zong tuni tuhun tulaitak mahmah in zong a tuangtuang apai pai ih hi aa Tua meileng in hong pai pih na ding mun bang hun ciang ih tung ding hiam tuni Ni tum ma hi ding maw tuni nitum khit hi zaw ding maw zingciang maw thai ciang maw   kua mah in ih thei khol het kei hi .ahi zongin ih theih kholh khat om aa Tua in Khat vei teitei  Tua mun  Ki tung hamtang ding hi.

    Tua hi in Christian te ii lam etna  ahi  Pasian tapa Zeisu hangin nuntak  tawntungna aki ngah kikna thu a bukim in sangin ih telcian ding ihKi sam hi. Tua Topa hong sawlna bangin sep ding na tampi zong ih nei hi .khat bekbeek en sem lo ding maw ?? Khut guak bek mah Masuan ding maw??? Jeremiah 1:7 Rom 2:6-9

         Nasep   (Siau )  Sem dingin Bank khat ah application fill-up in ih piak tak teh bank te deihdan leh Ki sap na bangin na ka sem mah ding hi ci in ih sighed mah bangin Zeisu pen Pasian tapa hi ka gumpa hi amah ka sang hi ci in tetti ih pan na pen in “Topa Aw nang deihna bangin ka nungta dinga Nong sawl na peuhpeuh ka sem mah ding hi ci in ihKi ciam na  a sighed ih hi hi. En Khat bekbeek zui lo ding maw? 

       Tua hi aa ih naupang lai mah in  ih thahat lai ih khangno lai ih melhoih lai ih mitcim lai,, zi leh ta te tawh ih om khop lai mah in Christ leh pawlpi aa dingin nasem ni ,,ih sep thei bang sem dingin ready tawntung ni  a hun te Zingteh thaiteh kum kik teh ci in sawt toto nawn kei ni  tulai tak mah mah in sem pah ni takkheh one,two aki cih lian in leng khia  pah ni .one,two,three dong a Ki cih  Ngak se  kei ni.A Ki sem lo na khat na muh ciangin aki gen lo thu khat Na theih laitak in a Ki hilh lo thu khat Na theih ciangin  aki don lo mi khat na muh Aa.’aki huh lo alamsam khat na muh teh Kua mahin hih bang te sem  lo lawmlawm ci in pai san kei in,   Pasian in Tua bang mun ah nang asem  dingin ahong koih a hih na mel!!Levi  mipa in zong pai san hi  cih lai ding ih hi hiam ? 

           Na om na Pawlpi sungah khangno nungak   ,, Tangval  om mahmah  lo ka khan gual lah om mahmah lo ci  ci kha na hiam   Ahih kei leh kei khangno lai lua ing / kei ham lua ta ing ci Kha na hiam Topa  in nang tua mun ah khangno ahi ding la asa ding , Music a tum ding , aki khawm ding , meeting atu ding , nungzui a sem ding makai upa a sem ding leh pawlpi sungah aki sam Bangbang  a neu penpen nin them khat na ngawn a tawm  ding   in Tua mun ah Pasian in nang hong puak  ahih zawk na mel !!.  Kum 38 cina pa bangin bualtui Ki lawk laitak  in kei hong diah  ding Kua mah om lo hi  ci ci lai ding na hiam ? 

        LST in    pawlpi lutangin Christ hi ci ahih leh Christ pumpi in pawlpi hilo ahi hiam ? Na pawlpi ah nang zong christ pumpi tung ah a mun  khat hi lo na hi hiam .. a khutme na hih aa, a neu  penpen a Kheme na hi phial  zongin ih pumpi tungah ah Tua Kheme a neu no  khat na ngawn in bang mah na hong sem kei mawk leh ih pumpi vekpi in gim lawh sak ding hilo a hiam . Tua hi aa pawlpi sungah bang mah sem lo in kin lo in om mawk le cin Christ pumpi a cina lua ding hiven amah gim lua ding hiven .Na sem ni Ki pia khia ni. Gupna ngah na dingin  ei hanciam aa nasep na tawh Ki ngah lo mah hi. ahizongin thaman ngah na dingin na sep kul hi lo ahiam ? Ih tuanna meileng in khawl na ding station dang nei  nawn lo in gun tuipi gei lam zuan in a paipai ta hi mawk hi . Hih  lai aki gelh na sim khak lai in Tuni mah mah in  hih mun ah na om khak  lai in Christ  pumpi ahi ka pawlpi ahi na pawlpi ahi Khazih leh pawlpi ading na sem ni .sem khawm ni ,sem takpi ni..